Руснаци у Дюрдьове жию од другей половки 19. вику и їх привредни, културно-просвитни и дружтвени живот у тим валалє здобул специфични характеристики. Културни скарб Руснацох у Дюрдьове чува ше у историйно-етноґрафскей збирки Руска одлога хтора ше находзи у рамикох грекокатолїцкей парохиї у Дюрдьове.
Року 2010. у рамикох програмскей активносци Заводу за културу войводянских Руснацох фаховци зоз Музею Войводни и сотруднїкиформовали историйно-етноґрафску збирку «Руска одлога» у Дюрдьове. Позберани, пописани и обробени по музейних стандардох 1229 артефакти з материялней култури Руснацох о котрих податки зачувани у окремней публикациї.
Предмети у збирки систематизовани на шлїдуюци способ:
- музейски материял
- архивски материял
- рукописи и друковани кнїжки
З тей нагоди предмет роботи фаховцох бул лєм материял хтори ше одноши на етнолоґию, историю и подобову уметносц.
Друковану верзию публикациї мож достац у просторийох Заводу, кед остало прикладнїки од вкупного тиражу.
