Сотрудзуюци з локалнима самоуправами у Войводини у котрих жиє руска заєднїца, цивилним сектором, церкву, академску явносцу, меншинскима и векшинскима медиями, донаторами и велїма пошвеценима поєдинцами и ентузиястами, Завод вплївує на позитивни пременки у културней сфери тей заєднїци у даскелїх обласцох: културним нашлїдстве, библиотечно-информацийних дїялносцох, литератури, музики, подобовей и визуалней и применєней уметносци и архитектури, сценскей уметносци, кинематоґрафиї и авдио-видео творчосци, фотоґрафиї, мултимедийох, науковей и едукативней роботи у обласци култури и других артистичних програмох.
Завод ше заклада за обезпечованє условийох за розвой, стимулованє, виглєдованє, одкриванє, защиту, чуванє, едукацию, хаснованє и представянє рускей култури, творенє библиотечней и информацийней системи, алє и стимулованє интеркултуралного диялоґу и розвой активного одношеня з публику.
Отворени зме за сотруднїцтво и шицки Вашо предлоги. Зоз шицкима вашима дальшима питанями и за контакт явце нам ше на мейл: office@zavod.rs лєбо zavod.rusini@gmail.com.
Дзекуєме шицким партнером, котри нам помогли у реализаациї велькей часци наших цильох: Покраїнски завод за защиту памятнїкох култури, Музей Војводини, Театрални музей Войводини, Заводи за културу – Румуноха, Словацох, Мадярох и Горватох, локални самоуправи у хторих жию Руснаци, Национални совит рускей националней меншини, НВУ „Руске слово“, РУВ РТВ, Катедра за русинистику, Русински народни театер „Петро Ризнич Дядя“, Дом култури Руски Керестур, Национални оркестер Руснацох, културно уметнїцкиа, културно просвитни дружтва у местох дзе жию Руснаци и други организациї цивилного дружтва и нєформални организациї хтори ше занїмаю зоз руску културу и язиком, руски парохиї.
