Нєшка кед нови технолоґиї феномен хтори забера найважнєйше место и одвитує швидкосци и ритму живота младих, висока култура и традицийни уметносци, история и културни скарв нє заступени у каждодньовим живосце дзецох и младежи, цо ше ище озбильнєйше одражує на младих зоз меншинских заєднїцох.
![](https://zavod.rs/wp-content/uploads/2018/11/2018-10-27.28-NS-ZAVOD-10roki-W-465-1024x680.jpg)
![](https://zavod.rs/wp-content/uploads/2019/04/IMG_20181216_133417.jpg)
Нєобходне дац шансу младежи же би здобули схопносци потребни за розуменє и почитованє своєй и других културох и приблїжиц им их на интересантни и нєконвенционални способ, хтори ше може витвориц през повязованє нових технолоґийох, популарней и високей култури.
Циль тих активносцох Заводу то потримовка младима же би постали проактивни иницияторе позитивних пременкох и иновативних идейох у дружтве, заєднїци и ширше, же би учели вєдно о култури своєй и других заєднїцох, презентовали ю у своїм ширшим околїски и розвивали ю у складзе зоз своїма потребами и потребами заєднїци.
![](https://zavod.rs/wp-content/uploads/2019/04/2018-10-27.28-NS-ZAVOD-10roki-W-115.jpg)
Реализовани активносци:
- вистави роботох младих фотографох и уметнїкох
- совидавательство зоз часописом МАК: „Дзеци зоз урбаного гумна“
- потримовка фестивалу „Водова фест“
- бависко сцеканя (escape game) зоз елементами рускей култури
- камерне виводзенє театралней представи „Жени“ хтору виводза лєм млади
- проєкция видео роботи „I am happy“ Юлиї Неджински зоз Польскей и роботня на тему самозабойства
- представяне инструмента фуяра
- трибина зоз Маю Орихан хтора препутовала велї жеми швета и проєкция єй фотоґрафийох
- совидавательство зоз часописом МАК: „Дзеци зоз дружтвених мрежох“
Диґитализовани материяли:
![](https://zavod.rs/wp-content/uploads/2019/07/20-Dnovka-nastup-2017-rok-8.jpg)