Виглєдованє и очуванє културного нашлїдства по валалох, у котрих жили и жию Руснаци, маю окремну значносц. Причини єст вельо, а найзначнєйша тота же нєшка културно – историйне нашлїдство на тих просторох вше баржей нєстава, та ше на таки способ лєгко сцераю и шлїди єдней цивилизациї, котру ту, безсумнїву, створел руски народ.
Праве прето порушани проєкт диґитализациї склєняних плочох фотоґрафох Будинскових зоз Руского Керестураи идентификациї особох и подїйох на нїх.
Скенировани коло 850 склєняни плочи котри свойофайтове свидоцтво дакедишнього живота – култури, традициї и обичайох, як и особох зоз рускей заєднїци на тих просторох.
И далєй ше роби на идентификациї особох и подїйох зоз фотоґрафийох. Кед маце даяки информациї, явце ше на мейл: zavod.rusini@gmail.com, або на число телефона: 021/654-6534. У ґалерийох хтори зме креировали змесцени шицки по тераз скенировани склєняни плочи. Даєдни фотоґрафиї, кед же зме достали информациї од информаторох, маю цалосни подписи, а гевти чиї подписи барз длугоки, скрацени. Кед же вас интересую додатни податки о фотоґрафийох можеце нас контактовац на мейли: office@zavod.rs лєбо zavod.rusini@gmail.com
