На пияток, 24. априла на 13 годзин, поволуєме шицких зацикавених же би у просторийох Заводу за културу войводянских Руснацох у Новим Садзе, Футожска 2/III, присуствовали и участвовали у явней трибини “Защита руского културного скарбу – резултати и перспективи”. Главни питаня трибини буду шлїдуюци:
- Кельо потераз зробене у защити културного скарбу рускей заєднїци у Войводини?
- На хтори би способ руска заєднїца могла мац хасну од наявйованих пременки законодавства у обласци защити културного скарбу?
- Чи Руски музей и Руски архив можлїви проєкти и як их годно витвориц?
- Хтори памятнїки култури од окремного значеня за руску заєднїцу у Войводини?
- Цо приоритети у защити културного скарбу при войводянских Руснацох у наиходзацим пейцрочним периодзе?
Бешеднїки на трибини буду: проф. др Янко Рамач, порядни професор, Филозофски факултет у НС, Любица Отич, кустос-музейни совитнїк, Музей Войводини, др Йоаким Стрибер, наукови сотруднїк, Централни институт за конзервацию, Беоґрад, др Миряна Джекич, етнолоґ конзерватор, Покраїнски Завод за защиту памятнїкох култури, Саша Сабадош, архивист, Историйни архив Зомбор и Желько Ковач, предсидатель Вивершного одбору НСРНМ.
Шицки нащивителє ше поволую же би активно участвовали у трибини з конструтивнима питанями и суґестиями, бо на ше на тот способ вшелїяк доприноши даваню одвитох на поставени питаня и практичному ришеню проблемох хтори пред нами.
