Скупштина АП Войводини, Одбор за европски интеґрациї и медзиреґионалне сотруднїцство орґанизовали округли стол на тему « Интеркултуралносц як часц европских вредносцох Войводини» хтори отримани у Скупштини Войводини.
О теми интеркултуралносци, образованю, креированю сучасного европского друштва бешедовали: Ева Вукашинович, заменїца покраїнского омбудсману – защитнїк гражданох, Мая Седларевич , предсидателька Одбору за европски интеґрациї и медзиреґионалне сотруднїцство, Синиша Лазич, Директор Фонду Европски роботи як и Ненад Челаревич, представитель ОЕБС у РС. Активну учасц у дебати вжали и Директоре меншинских Заводох за културу Войводини: Серґей Тамаш, Томислав Жиґманов, Милина Склабински и Гонди Мартина .
Главни заключеня: интензовац значенє интеркултуралного диялоґу и можлївосц його розвитку у АП Войводини, дальше порушованє за щицки образовни и културни институциї, самих актерох и щицки зацикавени боки розпатрац интеркултурални питаня як порядну часц своїх програмох и планох у будучносци. З оглядом же ше и Войводина и Сербия находза на европскей драги, питанє дальшого розвою мултикултуралного, мултиетнїчного и мултиязичного дружтва вшелїяк же основа на хторей ше муши будовац наша европска драга.
Змоцньованє суживота, вецейвиковна толеранция на тих просторох медзи народами, политика запровадзеного войводянского културного простору и самого идентитету, медзисобна потримовка и ровноправносц националних заєднїцох, партиципация и ровноправна учасц у будованю духовного, образовного, културного и уметнїцкого простору, а Войводина ма цо понукцуц през потерашнї єй искуства и сами вредносци хтори значни, за тоти простори, за цалу Европу.
