На першей схадзки Орґанизацийного одбору за преславу Националного швета Руснацох, вовторок, 10. септембра у просторийох Заводу за културу войводянаских Руснацох, представена програма хтору пририхтую Руснаци у Сримскей Митровици.
Програмски сеґменти подобни яки були и по тераз, медзитим шветочносц будзе богатша. Предложене же би програма була отримана соботу, 18. януара и почала би зоз литурґию, а вец будзе и етно стол за хтори задлужени Здруженє женох зоз Бикичу. Потим будзе вистава малюнкох и етнолоґийней збирки и шветочна академия у будинку театру у Сримскей Митровици.
