Вчасне искуство зоз уметносцу, историю и културним скарбом у велькей мири вплївую на розвой културних потребох и звикнуцох. У културней атмосфери фамилиї розвива ше и дзецко хторе будзе прилапйовац и будовац таку систему вредносцох, розвивац интересованя, прихильносци и смак.
Нєдостаток свидомосци медзи дзецми и младима о їх културним скарбу и културним штредку проблем хтори ше муши ришовац през активносци и мири зоз хторима ше буду преношиц и отримовац културни и естетични вредности.
Приблїжованє роботи Заводу и резултатох 10-рочних активносцох, як и историї, язика и културного скарбу Руснацох наймладшей популациї, алє и їх родичом и едукатором, през серию фахово водзених виставох, прилагодзених роботньох, проєкцийох и толмаченьох рисованих филмох, жадаме будовац будуци ґенерациї на час.
Реализовани активносци:
- фахове водзенє през виставу акварелох Андреи Палатинус и роботнї на тему акварелу и природи
- фахове водзенє през виставу литоґрафиї Даряна Гардия и роботнї на тему смуги
- патренє рисованого филма на тему смуги, толмаченє значносци смуги у уметносци и креативни роботнї
- ученє руского язика през шветово и приповедки домашнїх авторох у рамикох проєкту “Учме вєдно руски язик”
- роботнї за швета – прикраски за крачун зоз традицийнима мотивами и принтами руских парткох, писанки и ученє о Велькей ноци
- онлайн роботнї за дзеци
