У чаше кед публика култури ґенерално вше старша, зменшує ше и меня свойо афинитети, стратеґиї розвою публики облапяю затримованє иснуюцей публики зоз можлївосцу ширеня, алє и укладанє до розвою новей, будуцей публики. To значи вплїв на млaдих же би им ше формовала свидомосц и потреба о значносци култури у дружтве, а у случаю войводянских Руснацох и свидомосц и потреба чуваня и розвою рускей култури.

През реализованє рижних файтох роботньох, проєкцийох, акцийох, преподаваньох, камерних представох, дружтвених бавискох и подобного, а хаснуюци популарносц и флексибилносц популарних медийох намагаме ше стимуловац креативносц, критичне роздумованє, интеркултурални диялог, практичне виражованє свойого дожица културного скарбу, креированє културних змистох.

Завод поволує дзеци и їх старательох (родичи, баби и дїди, родзини), штредньошколцох, студентох и инших младих же би директно участвовали у креированю културних змистох у Заводзе, же би ше приблїжела робота тей институциї култури, длугорочно ше повязала зоз и будовала будуцу ґенерацию публики.