Медзинародне сотруднїцтво и сотруднїцтво зоз здруженями гражданох, нєвладовима орґанизациями, локалнима самоуправами и другима установами тиж значна програма Заводу.

Преплєта ше у контексту уж реализованих, алє и планованих активносцох зоз Програму за културно-уметнїцки манифестациї, фахове усовершованє и образованє у култури и уметносци рускей националней заєднїци у АПВ, бо у тим смислу реализовани активносци як цо то:

• Завод орґанизовал два семинари за хореоґрафох и танєчнїкох у сотруднїцтве з ансамблом Закарпатского народного хору зоз Ужгороду и Поддуклянским уметнїцким народним ансамблом зоз Прешова.

• Националне швето Руснацох, котре ше вше реализує зоз успишним партнерством з локалнима самоуправами у котрих иснує руска заєднїца.

• Потримовка КУД-ом, котри, як орґанизациї цивилного сектора, през розписани конкурси Заводу, доставаю помоц за реализацию своїх активносцох (трецина програмского буджета пошвецена тей програми). Од 2018. року тоти средства доступни и другим орґанизацийом цивилного сектора и установом култури.

• Заєднїцку путуюцу виставу вершинских младих уметнїкох рускей, румунскей, мадярскей, словацкей и горватскей заєднїци под назву «Зоз слику вєдно» орґанизовали меншински заводи у Войводини у Новим Садзе, Сенти, Зренянину и Суботици
  у рамикох означованя 10 рокох иснованя и роботи.

• У рамикох популарно воланого Русинского фестивалу у Свиднїку у маю 2016. року отворена вистава
  „Национални костим Руснацох у циклусу животних обичайох”, хтора реализована у сотруднїцтве зоз
  Покраїнским заводом за защиту памятнїкох култури.

Твореню и розвиваню Заводу за културу войводянских Руснацох, односно його активносци од снованя та по нєшка помогли и далєй помагаю числени члени заєднїци и приятелє, колеґове и колеґинї, сотруднїки, партнере, донаторе и волонтере. Вєдно з нїма робиме на очуваню културного нашлїдства Руснацох, учиме єдни од других, розвиваме ше, твориме єдни другим спокуси.