На Медзинародним сайме кнїжкох у Новим Садзе свойо виданя представел и Завод за културу войводянских Руснацох.
Виданя були поставени на штанду Покраїнского секретарията за културу, явне информованє и одношеня з вирскима заєднїцами и Покраїнского секретарията за образованє, предписаня, управу и национални меншини-национални заєднїци, вєдно зоз виданями Новинско-видавательней установи „Руске слово” и других меншинских заводох.
На главней бини штварток, 8. марца представени виданя Заводу зоз 2017. року, та нащивителє мали нагоду поинформовац ше о пририхтованьох и змисту капиталного дїла Словнїк руского народного язика у редакциї Юлияна Рамача, Зборнїка роботох з трецей рускей науковей конференциї младих науковцох и фаховцох, хтори представел єден з редакторох Саша Сабадош, мастер роботи Александри Лендєр Литературно-историйни дискурс драмского додатку часописа “Шветлосц” у периодзе од 1952. року по 2010. рок, хтору представела сама авторка, як и моноґрафиї Руснаци у Суботици, хтору представел редактор Саша Сабадош.
