Вовторок, 12. децембра, у просторийох Заводу за културу войводянских Руснацох, Владимир Няради уручeл уметнїцки малюнок „Ruthenian” и подаровал шейсц ґрафики зоз Циклусу „Карпатски мит” Заводу за културу войводянских Руснацох.
Министерство за културу и явне информованє Републики Сербиї по Конкурсу за финансованє уметнїцких дїлох у обласци индивидуалней уметносци додзелєло средства Заводу за културу войводянских Руснацох за уметнїцки малюнок „Ruthenian” Владимира Нярадия.
Слово о малюнку хтори бул виложени у Хижи краля Петра на Сеняку у Беоґрадзе, на 47. Майскей вистави у Беоґрадзе, у орґанизациї Здруженя подобових уметнїкох применєних уметносцох и дизайнерох Сербиї (ULUPUDS).
З нагоди уручованя малюнка „Ruthenian”, Няради Заводу за културу подаровал и шейсц ґрафики зоз Циклусу „Карпатски мит”, хтори були виложени на його самостойней вистави „Карпатски мит” 2015. року у Вербаше.
У власнїцтве Заводу за културу ВР тераз єст седем уметнїцки роботи Владимира Нярадия, понеже єдну уж скорей подаровал.
(превжате зоз Рутенпресу)
