Путуюца заєднїцка мултикултурална вистава младих уметнїкох под назву „Зоз слику вєдно“ з нагоди означованя 10 рокох роботи и иснованя меншинских Заводох за културу у Войводини будзе отримана од септембра у Суботици, Зренянину, Сенти и Новим Садзе.
Децению роботи меншинских заводох нагода за их блїзке сотруднїцтво, а вистава єден од крочайох у явней презентациї их роботи и меншинских културох. Редакторка поставки вистави кустос Нела Тонкович, а за виставу ше пририхтує и каталоґ, догварене на схадзки хтора отримана 15. авґуста у просторийох Завода за културу войводянских Горватох у Суботици.
Вистава будзе отворена 28.септембра 2018. року у Сучасней ґалериї у Суботици, и там ю нащивителє годни опатриц по 12. октобер истого року, после чого ше поставка преселї до Нового Саду до прострийох познатого „Едьшеґ замку“.
Вистава „Зоз слику вєдно“ означи иснованє и роботу пейцох меншинских Заводох за културу у Войводини и то Румунох, Словацох, Мадярох, Горватох и Руснацох.
