На тогорочним Фестивалє русинскей култури у Свиднїку на ютре, 27. мая, будзе отворена вистава Заводу за културу войводянских Руснацох (ЗКВР) з назву „Национални костим Руснацох у циклусу животних обичайох”. На вистави у свиднїцким Доме култури буду виложени знїмки Будинскових фотоґрафох з Руского Керестура.
Отверанє нашей вистави на Русинским фестивалє ютре будзе на 14 годзин, а на отвераню буду присуствовац и предсидатель Националного совиту (НС) Руснацох Славко Рац, предсидатель Вивершного одбору НС Желько Ковач, членїца НС и предсидателька його Одбору за културу Ґабриєла Саянкович и директор ЗКВР Серґей Тамаш. Спомнути буду госци Фестивалу по його заверанє, на нєдзелю, 29. мая.
Виставу пририхтали етнолоґ др Миряна Дєкич и историчар Любица Отич, а стари фотоґрафиї з неґативох зоз скла скенировал и обробел фотоґраф Неделько Маркович. Дизайн вистави подписує историчар уметносци Деян Радованович.
