Дзекуюци финансийним средством обезпеченим прейґ конкурсу Буджетского фонда за национални меншини хтори запровадзело Министерство за людски и меншински права и дружтвени диялоґ Републики Сербиї розпочати длугорочни проєкт „Вики рускей култури з руку виписани“ у хторим акцент будзе дати на рукописне нашлїдство Руснацох у Републики Сербиї. У тей фази, дзекуюци подписаному контракту з Архивом Войводини, запровадзує ше процес реставрациї и лїченя матичних кнїжкох грекокатолїцкей парохиї Рождества Пресвятей Богородици у Дюрдьове з конца 19. и початку 20. вику. Зоз тим проєктом промовує ше старосц рускей заєднїци о своїх найстарших писаних историйних жридлох.