Завод за културу войводянских Руснацох на своєй порядней 14. схадзки принєсол одлуку о розподзельованю средствох субєктом у култури хтори ше приявели на Конкурс за софинансованє програмох и проєктох очуваня, пестованя, презентациї и розвою култури и уметносци рускей заєднїци у Републики Сербиї за 2023. рок. Як и потераз, на Конкурс ше могло приявиц зоз проєктами у двох програмних обласцох – очуванє и пестованє нєматериялного скарбу (700 000 динари) и обласц сучасней уметнїцкей творчосци (300 000 динари).
После розпатраня и препатраня приявох хтори сцигли на Конкурс, констатоване же по Конкурсу сцигли 17 прияви од вкупно 15 подношительох. Шицки прияви поднєшени благочасово. Було прияви на Конкурсу хтори нє мали подполну документацию, алє су обвисцени же би ю доставели у року од 3 дньох. После розпатраня звиту и предкладу ранґ лїстини фаховей комисиї УО принєсол одлуку о додзельованю средствох. Резултати конкурсу додзелєних средствох зоз коментаром мож опатриц на тим линку. Тиж так, шицки приявени обвисцени о резултатох прейґ мейлу.
