На манифестациї Европского тижня городох и реґийох Отворени днї 2015, котра ше того року традицийно отримує по тринастираз у Бриселу, (12 -15. октобер – “Open Days 2015”, Brussels), у Европским парламету отримани октругли стол под назву Розумиц Войводину („Understanding Vojvodina). На округлим столу були присутни члени Европского парламенту посланїк Мадярскей Андор Дели, заступнїк ИДС-а Иван Яковичич, посланїк Тонино Пицула и амбасадор РС у Бриселу Душко Лопандич. Тиж присутни були и предсидатель Покраїнскей влади др Боян Пайтич, покраїнски секретар за медзиреґионалне сотруднїцство и локалну самоуправу Бранислав Буґарски, покраїнски секретар за културу и явне информованє Славиша Ґруїч и покраїнски секретар за науку и технолоґийни розвой Владимир Павлов.
Отримованє того округлого столу орґанизовал Покраїнски секретарият за културу и явне информованє и зоз технїчну потримовку Завод за културу войводянских Словакох, у сотруднїцстве зоз Фондом “Европски послови” АП Войводини.
У представяню Завода за културу войводянских Руснацох, директор мр Серґей Тамаш предствел сам Завод од його снованя, од 2008. року по тераз, як и найважнєйши активносци и найзначнєйши реализовани проєкти. Представел и наявени тарґети-длугорочни плани кед у питаню робота Заводу. Попри Заводу, шицки други меншински Заводи отримали
Тиж були представени и презентовани шицки нашо институциї: Национални совит рускей националней меншини, Руске слово, Катерда за руски язик и Радио и телевизия на руским язику.
Циль представяня Войводини на округлим столу же би ше през презентацию роботи шейсц професийних установох у култури Сербох, як векшинского жительства и традицийних меншинских заєднїцох Руснацох, Мадярох, Горватох, Румунох и Словакох чиї язик и писмо у службеней употреби у АП Войводини, приказала мултикултуралносц Войводини, през призму очуваня и унапредзованя алє преплєтаня културного скарбу и културного стваралаштва прейґ 20 нациох котри у нєй жию.
Представнїки Заводох за културу войводянских Руснацох, Горватох, Мадярох, Румунох, Словакох представели активносци и роботу Заводох, плани и проєкти, котри у плану, як и проблеми зоз котрима ше стретаю.
