У рамикох 29. „Костельниковей єшенї”, хтора почала 18. новембра и отримує ше по местох дзе жию Руснаци, у Дюрдьове орґанизована вистава фотоґрафийох Будински.
Вистава отримана у просторийох Културно-уметнїцкого дружтва ,,Тарас Шевченко”, паралелно з промоцию нових кнїжкох у виданю НВУ „Руске слово” и стретнуцом з писателями.
Фотоґрафиї познатей фамелиї з Руского Керестура представяю шведоченє о живоце людзох и жридло су велїх податкох хтори припадаю културно-историйному скарбу Руснацох на тих просторох. Диґитализовани су дзекуюци потримовки Министерства култури и информованя.
