Завод за културу войводянских Руснацох у сотруднїцтве зоз Союзом Руснацох Републики Горвасткей, 20. новембра у своїх просторийох орґанизовал представянє видавательней дїялносци Руснацох у РГ.
Предсидателька Союзу Руснацох РГ Дубравка Решлянин и подпредсидатель Мирко Дорокхази представели його историят, дїялносц и чечуци проєкти а видавательну дїялносц Союзу Руснацох презентовала одвичательна редакторка шицких його виданьох, Вера Зелинац.
У музичней часци вечара, зоз традицийнима рускима шпиванками, наступела Хлопска шпивацка ґрупа КУД Яким Гарди зоз Петровцох.
