Мишана делеґация Руснацох у составе: Славко Рац, предсидатель Националного Совиту, Серґей Тамаш, директор Заводу за културу войводянских Рунацох и Любица Отич, кустос у Музею Войводини, мала роботни консултациї зоз представнїками Покраїнского секретарияту за културу и явне информованє – Атилом Югасом, Помоцнїком покраїнского секретара за национални меншини и Миланом Мицичом Помоцнїком покраїнского секретара за културни скарб и явни збирки.
Роботни теми були хвилькови стан у єдним нашим професийним театре у Руским Керестуре – можлїви способи дальшей потримовки локалней самоуправи Кула вєдно зоз координацию Националного совиту и Покраїнского секретарияту за културу и явне информованє и на яки способ заєднїцки ришовац актуални проблеми.
Друга тема була способ оформйованя, отримованя и защити рускей музейней збирки и як инситуционално и правнїцки оформиц тот вецейрочни проєкт, хтори ознова порушани з боку Заводу за културу войводянских Руснацох, Националного совиту и Музею Войводини. Єден од роботних предкладох же би ше оформела ткв. фондация або здруженє гражданох хторе би конкуровало у першим кварталє 2016. року, з проєктом до Покраїнского секретарияту за културу и явне информованє, дзе би ше обеспечели финансийни средства и так започало зоз реализацию того значного проєкту хтори конєчно препознати и потримани з боку шицких трох спомнутих институцийох.
Порушана бешеда и о пренаходзеню можлївих способох и механизмох найефикаснєйшого ришованя питня власного маєтку Заводу за културу войводянских Руснацох…
