Нєшка Завод за културу войводянских Руснацох нащивели заменїца покраїнского защитнїка гражданох – омбудсмана за защиту правох националних меншинох Ева Вукашинович зоз сотруднїцу Светлану Нешич Байґо.
Циль розгварки унапредзенє могучносци остварйованя и защити правох припаднїкох националних меншинох, и упознаванє зоз потерашню роботу, актуелнима активносцами и способом роботи заводох за национални меншини у обласци култури. Бешедоване и о почежкосцох зоз хторима ше Завод за културу войводянских Руснацох будзе стретац у наиходзацим року а после рестриктивного буджету и зменшаних средствох як и можлїви способи ришованя чечуцих проблемох.
