У просторийох Заводу за културу войводянских Руснацох стретню ше представнїки Дружтва за руски язик, литературу и културу и проф. др Вейлс Брауни (Wayles Browne) зоз Нюйорку, зоз Зєдинєних Америцких Державох, на вовторок, 28. 08. 2018. року.
Брауни до нащиви до Сербиї приходзи пре Медзинародни конгрес славистох у Београдзе од 19. до 27. 08. 2018.
По стретнуцу зоз представнїками зоз Дружтва за руски язик, литературу и културу, на 12 годзин, професор Брауни ше стретнє и зоз директорку Завода за културу войводянских Руснацох, Анамарию Ранкович, алє и зоз дргима хтори виража интересованє.
Проф. др Вейлс Брауни заняти на Корнел универзитету на департману за лингвистику. Рамики його виглєдованя славистика и линґвистика ґенерално, а найбаржей го интересує Сербо-горватски язик.
Брауни писал и до часопису за литературу, културу и уметносц „Шветлосц“, а остатню роботу у вязи зоз руским язиком обявел под назву „Порядок енклитикох у язику войводянских Руснацох“.
