Звит о роботи Заводу за културу войводянских Руснацох за 2015. рок, на осмей схадзки Националоного совиту Руснацох хтора отримана всоботу, 14. мая у Руским Керестуре прилапени єдногласно. Звит о роботи за 2015. рок потолковал директор – Заводу за културу войводянских Руснацох (ЗВКР) мр Серґей Тамаш.
Попри нашей явносци уж познатих витворених проєктох ЗВКР, Тамаш наглашел же ше сполнює и финансованє з других жридлох, на основи конкурованя з проєктами, та у 2015. року по тей основи Завод витворел милион 242 399 динари, док од Покраїни, як финансиєра, прешлого року достати 6 милиони 468 000 динари. Наглашел же ЗВКР и у тим року предлужи конкурованє за средства з других жридлох, а окреме же Покраїнска буджетна инспекция нє мала анї єдну заувагу на дїлованє Заводу.
