У Заводу за културу войводянских Руснацох, у. Футожска число 2/3 у Новим Садзе, отрима ше промоция Каталоґу и отверанє вистави «Шицко то оглашки и реклама!», на стреду, 28. октобра 2015. року, зоз початком на 13 годзин.
Вистава уключує рижни рекламни оглашки у рускей периодики од 1921. по 1941. рок. Друковани оглашки шведоча о одредзених пременкох хтори настали у їх розвою: дизайну, подобово-ґрафичней композициї и опременосци оглашкох, квалитету друку. Рекламни оглашки у новинох углавним робени спрам клишеох одредзеней друкарнї, хтори вона приношела зоз одредзеного стредньоевропского центру. То ше одноши и на оглашки у рускей периодики.
