У орґанизациї Заводу за културу войводянских Руснацох од 9. по 13. авґуст у Шидзе отримани семинар за фахове усовершованє хореоґрафох и танєчнїкох з наших КУД-ох.
На семинаре танєчни крочаї, танци и народни звичаї зоз Шаришу и Земплину викладал хореоґраф Вилиам Микула з Поддуклянского уметнїцкого народного ансамблу (ПУНА) з Прешова, зоз Словацкей, а помагала му танєчнїца у истим ансамблу Мириям Манїкова.
Семинар орґанизовани у сотруднїцтве зоз Националним совитом Руснацох и парохию у Шидзе и КПД “Дюра Киш” понеже госци зоз Словацкей и коло 15 танєчнїки и хореоґрафе з наших местох буду змесцени и костирали ше у Владическей лєтнєй резиденциї, а роботнї отримовани у просторийох КПД.
