Пията наукова конференция за студентох, младих науковцох и фаховцох будзе отримана 12. мая 2021. року з початком на 14 годзин прейґ зум платформи. Конференция ше будзе на живо преношиц на урядовим фейсбук боку Заводу.
Програма конференциї облапи викладаня младих науковцох, виглєдовачох и студентох мср Ани Римар Симунович, Андрея Ороса, мср Єлени Дудаш, Якуба Павляка, мср Доротеи Будински и мср Саши Сабадоша, а у Зборнїку зоз того сходу буду обявени и роботи Марини Сакач и мср Марини Шлемендер.
Кажди учашнїк на Конференциї будзе мац нагоду викладац по 15 минути, а дискусия о каждей з представених роботох будзе тирвац по 10 минути.
Роботи зоз 5. конференциї буду обявени у Зборнїку роботох хтори друкую вєдно НИУ “Руске слово” и Завод за културу войводянских Руснацох.
Конференцию орґанизую Нєформалне здруженє “Виглєдовацки круг”, НВУ „Руске слово”, Завод за културу войводянских Руснацох и Оддзелєнє за русинистику.
