Перша схадзка директорох Заводох за културу войводянских Мадярох, Словацох, Румунох, Руснацох и Горватох отримана у шедзиску Заводу за културу войводянских Мадярох. На схадзки були Мартина Ґонди – директорка Заводу за културу войводянских Мадярох, Ана Хрчан Лесковац – директорка Завода за културу войводянских Словацох, Тодор Урсу – директор Заводу за културу войводянских Румунох, Анамария Ранкович – директорка Заводу за културу войводянских Руснацох и Катарина Челикович – менаджер културних активносцох Заводу за културу войводянских Горватох, у мено директора ЗКВГ, Томислава Жиґманова.
На схадзки бешедоване як звекшац видлївосц активносцох шицких Заводох же би ше нє повторела ситуация дзе ше Заводи представяю сами себе.
Предклада ше лєпше сотруднїцство Заводох у идуцим року, зоз оглядом на факт же векшина Заводох у 2018. року будзе означовац дзешец роки од снованя. Як єдна форма будуцого сотруднїцства и означованя ювилея предклада ше орґанизованє єдней заєднїцкей манифестациї.
Предклада ше друкованє єдней заєднїцкей брошури зоз кратким историятом о каждей националней меншини и основнима податками Завода тей националней меншини, як файта презентациї Заводох у 2021. року (Нови Сад – европска престолнїца култури).
