Вистава младих уметнїкох под назву „Зоз слику вєдно“ з нагоди означованя 10 рокох роботи и иснованя меншинских Заводох за културу у Войводини отворена 28. септембра у Сучасней ґалериї у Суботици.
Кустос Нела Тонкович, редакторка и селекторка поставки вистави спред рускей заєднїци вибрала уметнїка Даряна Гардия же би на вистави представел свою творчосц.
Вистава „Зоз слику вєдно“ означи иснованє и роботу пейцох меншинских Заводох за културу у Войводини и то Румунох, Словацох, Мадярох, Горватох и Руснацох, а децению роботи меншинских заводох нагода за их блїзке сотруднїцтво, а вистава єден од крочайох у явней презентациї их роботи и меншинских културох.
Виставу у Сучасней ґалериї у Суботици нащивителє годни опатриц по штредок октобра, после чого ше поставка преселї до Нового Саду до прострийох познатого „Едьшеґ замку“, дзе будзе отворена 22. октобра, 2018. року а потим и до Зренянину и Сенти.
(Фотоґрафиї: Суботица.инфо)
