Штварток у Заводу за културу войводянских Руснацох отримани перши курси практичного новинарства за студентох Оддзелєня за русинистику. Практични курси новинарства орґанизовани же би ше злєпшало ефективносц практичней анґажованосци студентох Оддзелєня за русинистику у руских институцийох, як цо то новини „Руске слово”.
Тото сотруднїцтво порушане з боку новинох „Руске слово” и Оддзелєня за русинистику, а з потримовку Заводу за културу войводянских Руснацох, же би студенти здобули праксу и розширели знаня з обласци новинарства, а медиї же би могли достац нових младих сотруднїкох. Здобути знаня и праксу студенти годни реализовац у форми опубликованих роботох на бокох тижньових новинох „Руске слово”, односно у рубрикох „Литературне слово” и „Мозаїк” .
Отримованє таких курсох практичного новинарства за студентох Оддзелєня за русинистику будзе орґанизованє два раз мешачно у форми блоку годзинох теориї и пракси, як и креатирвни курс писаня уметнїцкей литератури. Шлїдуюци курси буду отримани штредком априла, а їм ше можу придружиц шицки заинтерсовани млади котри сцу здобуц знаня зоз практичней журналистики.
