Вовторок, 22. септембра, у просторийох кулского Руского РКУД „Др Гавриїл Костельник” отримана пията схадзка Орґанизацийного одбору за Централну преславу Националного швета Руснацох у Кули 2016. року.
На схадзки догварене же би ше промоцию моноґрафиї „Руснаци у Кули” отримало у просториї Школи за основне музичне образованє, а за тот час Здруженє женох „Идея” будзе мац виставу своїх роботх.
На схадзки потвердзене же буду отримани три вистави – вистава образох будзе у просторийох кулскей парохиї пред Благодарну Службу Божу, вистава роботох Лидиї Барновей будзе у Ґалериї Културного центру Кула, а у малей сали Културного центру будзе вистава роботох Амалиї Ковачовей. За шицки буду воробени флаєри и каталоґи.
Одредзени и змисти хтори ше будзе рецитовац, а обдумана и музична часц
Шветочней академиї, по дотерашнїх критериюмох.
На пиятей схадзки наглашене же би на шлїдуюцих присуствовали и представителє локалней самоуправи, а як то була пракса до тераз, и до кулскей будзе послати Протокол о сотруднїцтве, хтори дефинує обовязки Општини у технїчней потримовки Централного означованя Националного швета Руснацох.
На тей остатнєй схадзки Орґанизацийного одбору дефиноване же на шветочносц буду поволани госци з Горватскей и Словацкей, а у РКУД „Др Гавриїл Костельник” ше пребера одредзени крочаї коло пририхтованя етно-столу.
Шлїцуюца схадзка Орґанизацийного одбору будзе отримана 6. октобра.
