Вчера 29. новембра, отримана седемнаста схадзка Управного одбору Завода за културу войводянских Руснацох.
На схадзки принєшени вецей одлуки од хторих ше найзначнєйши одноша на Финасийни плани за тот и наступни рок, як и на План роботи за идуци. Финансийни план и програми роботи за 2024. рок подрозумюю звекшанє средствох за конкурси за нашо здруженя, реактивацию видавательней дїялносци, ревизию музейней збирки у Руским Керестуре, ушорйованє материялу котри остал за познатима фотоґрафами Будински, а тиж и ушорйованє леґатох котри достати од поєдинцох на чуванє руского скарбу. Кед слово о проєкциї финансийного плану за наступни рок, Завод планує же зоз каси АП Войводини за свою дїялносц и роботу достанє 11 милиони динари. З тих средствох за плаци будзе наменєне 5.624.200 динари, а за програмну дїялносц 5.375.800 динари. Члени Одбору на схадзки принєсли и одлуку о вименкох Статуту ЗКВР, а тиж так поинформовани су о задзекованю Анї Делач хтора була член Управного одбору.
