Коло петнац стредньошколцох зоз шейсц националних заєднїцох 10. и 11. новембра у Новим Садзе участвовали на дводньовей роботнї хтора ше реализовала у рамикох проєкту „Културне нашлїдство през мой обєктив“.
Проєкт реализує Завод за културу войводянских Руснацох зоз потримовку Фондациї „Нови Сад 2021, Европска престолнїца култури“, а на тему „Публика у фокусу“.
Циль проєкту же би ше допринєсло формованю идентитету младих у вибудови власного културного нашлїдства. Источасно, тот проєкт ше будзе намагац же би вибудовал проактивне одношенє младих ґу институцийом култури през их участвованє у културних змистох и розвою будуцей публики.
Док тирва тот проєкт млади зоз влашкей, ческе, бунєвацкей, серпскей, рускей и ромскей заєднїци були учашнїки социолошких роботньох на тему идентитету у мултинационалним и мултикултуралним штредку, а 24. и 25. новембра буду участвовац на другим сету роботньох, односно на креативних роботньох фотоґрафиї же би ше през сучасни медий, хтори млади хасную, фотоґрафию, стимуловало кративне виражованє младих.
Проєкт ше закончи зоз орґанизованьом вистави фотоґрафийох, хтори направия припаднїки шейсц националних заєднїцох, а вистави буду организовани у Петровцу на Млави, Билей Церкви и Новим Садзе.
