Завод за културу войводянских Руснацох пре ситуацию у Републики Сербиї у вязи зоз корона вирусом предлужує свойо активносци за дзеци електронски.
Понеже епидемиолоґийна ситуация нє дошлєбодзує реализацию роботньох за дзеци на класични способ, директно у просторийох Заводу, исти ше буду орґанизовац и промововац прейґ дружтвених мрежох, же би ше нашо наймладши анимировали и едуковали и у тих позарядових обставинох.
По тераз зме:
- дакус приповедали о инсектох хтори лєтаю вяри зоз Наташу Колесар,
- учели о тим цо идзе до кошарки за Вельку ноц,
- патрели рисовани “Червена шапочка” и правели єй кошарку и вовка,
- патрели премиєру рисованого “О цмоти” и креативно одганяли исту.
Поволуєме вас же бисце зоз своїма дзецми вєдно креативно препровадзели и вихасновали час и послали нам до порученя на фейсбук и/лєбо инстаґрам боку свойо роботи.
