Вноци помедзи 10. и 11. новембра вивершена карадза зoз насилним уходзеньом до просторийох у Заводу за културу войводянских Руснацох у Новим Садзе.
Нєпознати розвальовач з тей нагоди украднул єден лап топ и екстерни хард диск.
Нєпознати крадоше, окрем того зоз просторийох Заводу нє однєсли нїч вецей. Мож залючиц же циль крадоша була директорова канцелария у котрей найдзени найвекши нєшор, откадз украднути спомнути ствари.
Полиция уж вчера пополданю вошла до просторийох Заводу и окончела увид вжати оциски, а у цеку нєшкайшого дня припаднїки МУП-у и инспекторе предлужели увид.
За тераз МУП процив Н.Н. лїца порушал виновну прияву и полиция го глєда.
