Наукова конференция студентох, младих науковцох и фаховцох отримує ше кажди други рок з цильом популаризованя науковей роботи младих Руснацох и доприношеня розвою виглєдовацкей роботи и аналитичних студийох у обласци русинистики, дружтвених наукох и култури.
Главни орґанизатор то Нєформалне здруженє Виглєдовацки круг, а Завод за културу войводянских Руснацох главни партнер хтори потримую тоту конференцию у форми друкованя Зборнїка роботох з конференциї.
Дзепоєдни теми котри обробели млади науковци: Драмски додаток часопис «Шветлосц» у периодзе од 1952. по 2014. рок, Поґажени стереотипи у кнїжки «Горор за принцези», Розвой младежских часописох на руским язику у Югославиї медзи двома шветовима войнами, Чи язик основа националного идентитета Руснацох?, Фонолоґийна анализа ґерманизмох у руским язику.
