Директор Заводу за културу войводянских Руснацох мр Серґей Тамаш приял делеґацию зоз Шиду: Ромко Папуґа, начальнїк општинскей управи, Деян Бобаль, предсидатель совиту МЗ Бикич До, Слободан Лазаров предсидатель совиту МЗ Бачинци, и Мирослав Янїч зоз туристичней орґанизациї Шид.
Роботни теми були: актуални стан Руснацох и руских дружтвох у Сриму и можлївосци його злєпшованя, а окремини акцент дати на проєкти и заєднїцке конкурованє у будуцим периоду за средства од домашнїх и медзинародних донаторох и фондох.
