Професор Вейлс Брауни зоз Корнел Универзитету у Нюйорку, Америки нащивел нєшка Завод за културу войводянских Руснацох и стретол ше зоз представнїками Дружтва за руски язик, литературу и културу, а потим и зоз директорку Завода за културу войводянских Руснацох, Анамарию Ранкович, як и зоз другима хторих интересовало його искуство кед у питаню славянски язики.
На тим стретнуцу зоз заинтересованима нащивителями Брауни бешедовал о департману за линґвистику и славистику на универзитету Корнел, як и о тим чи студенти у Америки заинтересовани за тоту ґрупу язикох.
Бешедоване и о будучносци руского язика кед у питаню вплїв других язикох, а професор Брауни дал и свою оцену, позитивну, на питанє чи руски язик таки пременки и вплїви прежиє.
