На штварток, 5. октобра 2023. року, у просторийох Заводу за културу войводянских Руснацох у улїчки Матици Сербскей 15 у Новим Садзе, отрима ше промоция кнїжки „Як гуторя дїдове – швет бул давно иншаки“ о. Владимира Еделинского Миколки.
![](https://zavod.rs/wp-content/uploads/2023/10/Social-media-can-also-be-used-to-share-interesting-facts-true-stories-and-other-important-information.-1920-x-1080-px-Website.jpg)
Студия о основних традицийних характеристикох Руснацох у Бачкей и Сриме „Як гуторя дїдове – швет бул давно иншаки“ представя єден значни крочай у компаративним виглєдованю обичайох Руснацох на обидвох бокох Дунаю. Окрем аналитичней, емпирийна компонента тей студиї окреме доприноши єй значносци за розвой русинистичних студийох.
На промоциї буду бешедовац:
др Борис Варґа, директор НВУ „Руске слово“
Саша Сабадош, директор Заводу за културу войводянских Руснацох
Модератор: Микола Шанта, одвичательни редактор Видавательней дїялносци НВУ „Руске слово“
Рецензенти:
др Татяна Буґарски, етнолоґ
Любомир Медєши, етнолоґ
Ваня Дула, социолоґ
Автор:
о. Владимир Еделински Миколка