Вовторок, 20. фебруара у просторийох Завода за културу войводянских Руснацох, отримана порядна схадзка УО.
На схадзки ше розправяло о седем точкох хтори ше одношели на прилапйованє Одлукох хтори допринєшу ефикаснєйшей роботи Заводу. То, насампредз, Одлука о прилапйованю Звита о оконченим пописованю маєтку. Тиж так, принєшени и Одлуки о прилапйованю финансийного звиту, звиту о роботи, як и Одлуки о розподзельованю добитку за прешли рок. Спрам податкох зоз закончуюцого рахунку Завода за културу войводянских Руснацох за 2023. рок, нє було добитку. Прилапена и Одлука о вименкох Плану явней набавки и набавки на хтори ше Закон нє применює за чечуци рок. Тиж так шицки члени дали согласносц на дополнєнє Правилнїка о орґанизациї и систематизациї роботох хтори предложел директор Заводу Саша Сабадош.
