Проєкт «Културне нашлїдство през мой обєктив» задумани як сет роботньох на тему културного нашлїдства и фотоґрафиї за младих припаднїкох 5 националних меншинох – рускей, влашскей, ческей, бунєвацкей, ромскей и сербскей националносци.
Преподаванє о интеркултуралносци отримал Мирослав Кевежди зоз Заводу за културу Войводини, преподаванє о културним нашлїдстве др Миряна Дєкич зоз Покраїнского заводу за защиту памятнїкох култури, интерактивни роботнї Соня Гудак зоз младежскей орґанизациї «Балкан Идеа», а фотоґрафски роботнї Борис Кочиш зоз Академиї уметносцох з Нового Саду.
Нащивителє тиж обишли Нови Сад и културне нашлїдство котре ше ту находзи, а конєчни циль вистава фотоґрафийох у каждим з местох зоз котрих приходза и котри праве тоти млади направя после преподаваньох. Проєкт ше реализує у рамикох конкурса «Публика у фокусу» Фондациї «Нови Сад 2021 – Европска престолнїца култури».
Попри акцента на интеркултуралним диялоґу, тот проєкт ше намага вибудовац и проактивне одношенє младих ґу институцийом култури през участвованє у креированю културних змистох и на таки способ розвива будуцу публику., будуцих културних конзументох.
Координаторки: Єлена Перкович и Александра Бучко
