Другого дня 43. Медзинародного сайма туризму у Беоґрадзе, на штанду Покраїнского секретарияту за привреду и туризем и Ґаранцийного фонду Войводини представена Войводина як реґион хтори понука, медзи иншим, и богатство мултикултуралносци и мултиконфесионалносци як туристични потенциял.
У рамикох того представяня на штанду наступела шпивацка ґрупа КУД “Жатва”, а нащивительом понукнути и руски традицийни єдла. На истим штанду, попри рускей, свою културу и роботу презентовали и мадярска, словацка, горватска, румунска, македонска и чарногорска заєднїца. Тото представянє координовал Покраїнски секретарият за културу, информованє и одношенє зоз вирскима заєднїцами вєдно зоз Заводом за културу войводянских Руснацох и Националним совитом рускей националней меншини.
