Завод за културу войводянских Руснацох з потримовку Министерства култури и информованя реализує проєкт Диґитализация найстарших церковних матичних кнїжкох грекокатолїцких церковних општинох як способ очуваня културного нашлїдства Руснацох у Сербиї, хтори финансийно потримане на Конкурсу за финансованє лєбо софинансованє проєктох з обласци диґитализацї културного нашлїдства и сучасней творчосци у 2021. року.
Перши крочай бул пренаходзенє матичних кнїжкох и їх диґитализованє, гварела директорка Заводу за културу войводянских Руснацох Анамария Ранкович. Вона потолковала и же уж диґитализовани матрикули за Руски Керестур (Историйни архив Зомбор) и Коцур (Историйни архив городу Нови Сад) же ше сотрудзує зоз Историйним архивом „Срим”, Сримска Митровица и зоз парохом у Дюрдьове, а же ше ище чека же кельо буду доступни матични кнїжки за Нови Сад и Стари Вербас.
Потим, пияток, 02.07.2021. року ушлїдзела роботня у Руским културним центре у Новим Садзе на хторей Сашо Сабадош, архивист зоз Историйного архиву Зомбор кратко презентовал тему матичних кнїжкох як поняца, походзенє и локацию матичних кнїжкох значних за виучованє историї Руснацох. Ушлџдзела практична часц дзе ше указало тим цо буду преписовац диґитализовани матрикули и уношиц материял до Ексел-таблїчки на яки способ то треба робиц. На концу шицок обробени материял будзе на сайту Заводу у форми хтора будзе лєгка за препатранє же би людзе могли найсц свойо предки.
