Нєшка, 14. юлия, у Бикичу будзе отримана перша, конститутивна схадзка Орґанизацийного одбору за Централну преславу означованя националного швета Руснацох у януаре 2017. року у Бикичу и Шидзе.
Схадзка будзе на 18 годзин у просторийох Дому култури у Бикичу, а будзе бешеди и о дальших крочайох вязаних за пририхтованє програмох Централней преслави.
Як скорей порадзене, Централна преслава националного швета Руснацох 2017. року будзе 14. януара у Бикичу и Шидзе, а прешлого тижня, 8. юлия, у мено главного орґанизатора Преслави – Заводу за културу войводянскиох Руснацох – директор Заводу Серґей Тамаш и предсидатель Општини Шид Предраґ Вукович подписали Протокол о сотруднїцтве медзи локалну самоуправу и Заводом у орґанизованю Централней преслави нашого швета.
