Пияток 21. фебруара, отримана двацец шеста схадзка Управного одбору Завода за културу войводянских Руснацох.
На дньовим шоре було 6 точки, прилапени и звит о пописаним маєтку Заводу, Финансийни звит и звит о роботи за 2024. рок, принєшени вецей значни одлуки, а бешедовало ше и о планох за 2025. рок.
Директор Завода Саша Сабадош гварел же ше предлужи зоз видаваньом кнїжкох у сотруднїцтве зоз НВУ „Руске слово”, порихтани и каталоґ музейней збирки, а предлужи ше и потримка здруженьом прейґ конкурсох.
Дискутовало ше и о проблему зоз собивательку, односно заключене же ше до Националного совиту Руснацох, хтори власнїк будинка пошлє допис у хторим ше будзе глєдац же би ше ришело єй статус у будинку на даяки леґални способ и на таки способ отримало и добри сушедски одношеня, алє и же би ше могло лєгчейше отримовац простор у хторим Завод.
