Пред шветочну преславу Националного швета Руснацох у церкви благодарну архиєрейску службу Божу у церкви Вознесения Господнього служел преосвящени владика кир Георгий Джуджар зоз сримским бискупом монсиньором Фабияном Свалина, домашнїм парохом о. Иґором Вовком, парохом зоз Бачинцох мр. о. Дарком Рацом, парохом шидянским о. Михайлом Режаком, парохом зоз Бикичу о. Владимиром Еделонскийом Миколком.
Преосвящени владика кир Георгий Джуджар у казанї визначел же кажде нашо националне швето и 17. януар, то обнова нашей духовней и националней припадносци.
После благодарней Служби божей бул порихтани етно-стол хтори порихтали членїци КУД Иван Котляревски зоз Бикичу и жени зоз того валалу. Члени дзецинскей танєчно-шпивацкей ґрупи КПД „Иван Котляревски“ зоз Бикичу, хторих пририхтала уметнїцка руководителька Любов Зейкан Бобаль, одшпивали вецей коляди.
