Зоз святочну уметнїцку програму, Завод за културу войводянских Руснацох урядово почал робиц у нових просторийох.
Госцох привитал Директор ЗКВР Сашa Сабадош и наявел предпремиєрну проєкцию телевизийней адаптациї представи „Скорей як когут закукурика” у режиї Славка Виная, спред Руского културного центру з Нового Саду.
У предлуженю програми, по Сабадошових словох, нашо найдоказанши писателє – Ирина Гарди Ковачевич, Агнета Бучко Папгаргаї, Олена Планчак Сакач, Микола Шанта и Славко Винаї, як сам Сабадош, пречитали присутней публики по єдну вибрану писню нєдавно упокоєного писателя Михала Рамача, а потим и по єдну власну писню.
Програма пририхтана и з нагоди означованя 15 рокох иснованя Завода, а вовторок го урядово отворели представнїки Покраїнскей влади и Националного совиту Руснацох.
