Централна преслава Националного швета Руснацох будзе отримана у Коцуре, на соботу 21. януара 2023. року. Медзитим, Шветочна академия будзе у Вербаше.
Коцур остава домашнї, та так на 17 годзин будзе Благодарна Служба Божа у коцурскей церкви Успения Пресвятей Богородици. На 18 годзин почнє вистава коцурских уметнїкох: малюнкох Миколи Буши, Силвестера Пушкаша и скулптурох Силвестера Макая, у просторийох Каритасу, а етно стол будзе у Церковней сали на 18 годзин и 30 минути. Шветочна академия почнє на 20 годзин у Биоскопе Югославия у Вербаше.
Векша часц роботох на адаптациї будинку Дома култури у Коцуре закончена, алє финални роботи ище вше нє закончени. По словох директора Сабадоша, нєт сиґурней ґаранциї же будовательни роботи и роботи на ушореню нукашньосци и сали буду закончени по одредзени термин. Прето одлучене же Шветочна академия будзе у Биоскопе Югославия у Вербаше.
