У Заводу за културу войводянских Руснацох у цеку финализация роботи на едукативним дружтвеним бависку „Насельованє пустари Руски Керестур”.
Бависко прилагодзене шицким возростом и його сущносц же би ше на интересантнии способ научело цо вецей о рускей култури, традициї, фолклору и историї. Циль сотрудзовац, же би ше сцигло вєдно як зложна заєднїца на Пустару.
”Прешвечени зме же таки способ комуникациї з младима допринєше едукованю и друженю младих Руснацох медзи собу, алє и же прицагнє млади особи звонка нашей заєднїци и да им нагоду научиц дацо о нас”, визначел директор Заводу, Саша Сабадош.
На тот способ актуализуєме идею приблїжованя рускей култури и историї новим ґенерацийом. Пројект ше финализує дзекуюци потримовки Министерства култури и городу Нового Саду.
