На инициятиву роботней ґрупи хтора основана при Роботним целу за науку, на вовторок, 26. априла 2016. року у Заводу за културу войводянских Рунацох у Новим Садзе, Футожка 2/3, на 12 годзин отрима ше Oкругли стол на тему НАЦИОНАЛНА СТРАТЕҐИЯ И ЄЙ ИМПЛЕМЕНТАЦИЯ. Як цо наявене, будзе ше бешедовац и о Поглавю 23 хторе ше одноши на меншински права.
Викладаче буду: др Янко Рамач, др Яков Кишюгас, академик др Юлиян Тамаш и заменїца покраїнского омбудсмана Ева Вукашинович.
Од предсидательох Одборох, Роботних целох и Пододборох ше обчекує же би обовязно вжали учасц у дискусиї, винєсли терашнї стан у своєй обласци, дали свойо видзеня и предклади як одредзени проблеми пробую ришиц и за хтори период. (дума ше на Акцийни план понеже нам Национална стратеґия написана по 2020 рок.). На тот способ, цо и циль тей розправи, Национална стратеґия би ше дополнєла и актуализовала. Заключеня и напрямки Округлого столу були би будуца драга роботи Националного совиту и його целох. На основи Акцийного плану, як состойней часци, розвивали би ше и запровадзели плановани дальши активносци.
