Нови проєкт, „Приповедки позарядових каждодньових стварох”, хтори Завод за културу войводянских Руснацох реализує з финансийну потримовку Городскей управи за културу Городу Нового Саду, облапя нашо историйно-етнолоґийни, односно музейски збирки у Дюрдьове и Руским Керестуре.
У рамикох того проєкту тройо штредньошколци обишли Руску одлогу у Дюрдьове, а тройо Музейску збирку у Руским Керестуре. През збирку у Дюрдьове их водзела Любица Отич, а през збирку у Руским Кересуре Татяна Цупер Буґарски, обидва зоз Музею Войводини.
По законченю проєкта, учашнїки направя кратки видеa о предмету хтори зохабел найвекши упечаток на нїх, а годнo их одпатриц на урядових дружтвених мрежох, Ютюб каналу, як и на виртуалней 3Д тури, хтора у пририхтованю.
Проєкт потримала и Ґимназия “Петро Кузмяк” у Руским Керестуре.
